Nola kontsumitzen dute xiberotarrek? Galdera horri arrapostua eman dio CCI Baionako Merkataritza eta Industria Ganbarako ikerketa batek, Xiberoako merkatarien eskariz. Urtean 57 milioi euroko salmentak izan ohi dira Xiberoako saltegietan, eta erosketen %55 elikadura sailean dira. Ikerketaren arabera, geroz eta erosle biarnes gehiago daude Xiberoan, eta internet bidezko salmenta kopurua emendatu egin da. Haatik, xiberotar merkatariek ohartarazi dutenez, azken urteen irabazi marjina ttipitu egin zaie.